संखुवासभा । सेकाहा क्लब र सभापोखरी क्लब अरुण भ्याल्ली फुटबल प्रतियोगिताको सेमिफाइनलमा प्रवेश गरेको छ ।
शुक्रबार भएको दुई खेलमा सेकाहा क्लब र सभापोखरी क्लब सेमिफाइनलमा प्रवेश गरेको हो । सेकाहा र आयोजक एडभान्स क्लब बीच भएको पहिलो खेलमा सेकाहाले २—१ गेल गर्दै आयोजक एडभान्सलाई हराए । सेकाहाले लगातार २ गोल गर्दा एडभान्सले १ गोल मात्रै फर्काए । सो प्रतियोगितामा टर्फीको दाबेदार मानिएका र विगतमा थुप्रै पटक टर्फी उचाली सकेका खाँदबारी युथ क्लब र आयोजक एडभान्स क्लबलाई हराउर्दै सेकाहा क्लब सेमिफाइनलमा प्रवेश गरेको छ ।
त्यसैगरि पाथीभरा क्लब सुनसरीलाई शुन्यको विरुद्ध ३ गोल गर्दै सभापोखरी क्लब सेमिफाइनलमा प्रवेश गरे । निर्धारित समयभित्र पाथीभरा क्लब सुनसरीले एकै गोल पनि फर्काउन सकेनन् । तीनपोखरी क्लब र पाथीभरा क्लबलाई हराउर्दै सभापोखरी क्लब सेमिफाइनलमा पुगेको हो ।
जिल्लाको खाँदबारी नगरपालिका–३ मानेभञ्ज्याङ्गमा एडभान्स क्लबको आयोजनामा नवौं संस्करणको अरुणभ्याल्ली फुटबल प्रतियोगिता संचालनमा रहेको छ । कात्तिक ७ देखि शुरु भएको प्रतियोगिता १२ गते समापन हुनेछ ।
