संखुवासभा । नेपाल शेर्पा संघ संखुवासभाको ५ औं जिल्ला अधिबेसन खाँदबारीमा हुने भएको छ ।
बुधबार सदरमुकाम खाँदबारीमा पत्रकार सम्मेलनको आयोजना गरि यहि माघ २६ गते शुक्रबार जिल्ला अधिबेसनको आयोजना गरिएको जनाएको हो । अधिबेसनको प्रमुख अतिथी नेपाल शेर्पा संघ केन्द्रीय अध्यक्ष तेन्जी शेर्पा आउने भएका छन् ।
बौद्ध धर्मालम्बीहरुको नयाँ वर्ष तथा राष्ट्रिय चाड २१५१औं स्यिङ फो डुक लो ग्याल्पो ल्होसारको अवसरमा ५ औं जिल्ला अधिबेसनको आयोजना गरिएको नेपाल शेर्पा संघ संखुवासभाका अध्यक्ष श्याम शेर्पाले जानकारी दिए ।
ग्याल्पो ल्होसारको अवसरमा देश तथा विदेशमा छरिएर रहेका सम्पूर्ण बौद्ध धर्मलम्बीहरुलाई शुभकामना आदानप्रदानका साथै अधिबेसनको आयोजना गरिएको त्यसको सम्पूर्ण तयारी पूरा भएको नेपाल शेर्पा संघ संखुवासभाका सचिव मिगुर शेर्पाले बताए । उनको अनुसार, अधिबेसन खाँदबारी–३ स्थित मंगलादेवीथानमा रहेको मिस यू पार्कमा आयोजना गरिएको छ । जिल्लाभरका प्रतिनिधीहरु भेला भई अधिबेसन सम्पन्न गर्नुका साथै नयाँ नेतृत्व छनौट समेत हुनेछ ।
शुक्रबार विहानै देखि अधिबेसन शुरु हुनेछ भने अधिबेसन सम्पन्न भएपश्चात् दिउँसो २ बजेदेखि साँगितिक कार्यक्रम हुने आयोजकले जनाएको छ । चर्चित गायिक तृष्णा गुरुङ, गायक उमङ्ग लामा, छिरिङ भोटे, दावा लामा लगायतका कलाकारहरुको साँगितिक प्रस्तुती रहने बताइएको छ ।
