संखुवासभा । सदरमुकाम खाँदबारीमा आज तिहारको अवसरमा सांगितिक कार्यक्रम ‘दिपावली म्युजिकल ईभ’ को आयोजना गरिएको छ ।
तिहारलाई स्वागत गर्दै आज खाँदबारीको पोखरी बजारमा ‘दिपावली म्युजिकल ईभ’को आयोजना गरिएको हो । नागरिक चासो मल्टिमिडियाले आयोजना गरेको उक्त कार्यक्रममा ‘मेरो भ्वाइस युनिभर्स’का फाईनलिष्ट परेश राई सहित गायक उमङ लामा, अपन श्रेष्ठ, अस्मी राई, सोनियल साम्पाङ, रामचन्द्र जिमी लगायतका स्थानीय कलाकारहरुको प्रस्तुती रहने आयोजकले जनाएको छ ।
आज (कार्तिक १४ गते) बेलुकी ५ बजेदेखि खाँदबारीको पोखरी बजारमा साँगितिक कार्यक्रम संचालन हुनेछ ।
उक्त कार्यक्रमको मुख्य प्रायोजन मनकामना सप्लायर्स तुम्लिङटार आधिकारिक विक्रेता रहेको टुबोर्ग रहेको छ । जिल्लामा आयोजना हुने कार्यक्रमले मनोरञ्जनँंगै पर्यटन र आर्थिक विकासमा समेत सहयोग पुग्ने विश्वास लिइएको नागरिक चासोका अध्यक्ष संयोगान्त कुलुङले बताए ।
कार्यक्रमको सञ्चालन सवित कुलुङ र खेवाहाङ मेवाहाङले गर्ने जनाइएको छ । कार्यक्रमको मिडिया पार्टनर नागरिक चासो अनलाइन र संखुवासभा एक्सप्रेस रहेको छ ।
