संखुवासभा । पूर्वी पहाडी जिल्ला संखुवासभाको चिनारी बनेको ‘हेर्दा राम्रो सारै राम्रो संखुवासभा’ बोलको गीत सार्वजनिक भएको छ ।
सोमबार एक कार्यक्रम बीच खाँदबारीको सभाहलमा उक्त गीतको सार्वजनिक गरिएको हो । संखुवासभा समाज यू.के.द्धारा प्रस्तुत गरिएको गीतमा अहिलेका चर्चित गायिका मिलन नेवार र पूर्ण लिम्बुको स्वर रहेको छ । भने उक्त गीत पूर्ण लिम्बु स्वयंमले लेखेका हुन् भने संगीत प्रेमकृष्ण बजगाईले भरेका छन् ।
गीतको म्युजिक भिडियो समेत देखाइएको थियो । म्यूजिक भिडियोमा गायक पूर्ण लिम्बु, रेखा फागो, बादल श्रेष्ठ, मनिसा वनेम र साजन राईले अभिनय गरेका छन् । सुमन तामाङले निर्देशन गरेको म्युजिक भिडियोमा सेजल डान्स सेन्टरले नृत्य प्रस्तुत गरेको छ भने कोसी भिजन फिल्मले म्युजिक भिडियो तयार पारेका हुन् ।
गीतको म्युजिक रिलिज गर्दै समाजसेवी प्रेमसञ्जय लिम्बुले प्रवास बेलायतमा रहने नेपालीहरुले गाउँठाउँ मायाँ र संम्झना बोकेको गीत र म्युजिक भिडियो तयार पारेको बताए ।
उक्त गीतमा संखुवासभाको सदरमुकाम खाँदबारी, चैनपुर बजार, मनकामना मन्दिर, सिद्धकाली, सभापोखरी लगायतको धार्मिक तथा पर्यटकीय क्षेत्रहरु समेटिएको छ भने गीतमा लिम्बु संस्कारसंस्कृति र भेषभूषाहरु देखाइएको छ ।
