- मोहनकुमार राई
संखुवासभा (चैनपुर) । जिल्लास्तरीय अन्तरमावि छात्र भलिवल प्रतियोगितामा हिमालय माध्यमिक विद्यालय खाँदबारीले पोल्टामा पारेको छ ।
स्वतन्त्र विद्यार्थी युनियन संखुवासभा बहुमुखी क्याम्पस चैनपुरद्धारा आयोजित जिल्लास्तरीय अन्तर मावि÷क्यामपस छात्र भलिवल प्रतियोगितामा जिल्लाभरका विभिन्न १२ टिमले खेलमा भाग लिएको स्वतन्त्र विद्यार्थी युनियनका सचिव भरत अधिकारीले जानकारी दिए ।
संखुवासभा बहुमुखी क्याम्पसको ४३ औं वार्षिकोत्सवको अवसरमा विद्यार्थीहरुको संस्था स्ववियुले “विद्यार्थी एकता र सहकार्यका लागि खेलकुद” भन्ने मुलनाराका साथ बुधबार देखि शुरु भएको भलिबल खेलको आज (शुक्रबार) सम्पन्न भएको स्ववियुका अध्यक्ष आमोद कार्कीले जानकारी दिए । प्रतियोगितामा आकाश बुढाथोकीले मुख्य रेफ्रीको भुमिका निर्वाह गरेका थिए ।
तीन दिन सम्म खेलाइएको उक्त प्रतियोगितामा दोस्रो स्थान शारदा मावि पोखरीले प्राप्त गरेको थियो । यसैगरी सरस्वती मावि चैनपुर र हिमालयकिरण पब्लिक क्याम्पस खाँदबारी सेमिफाइनलमा चित्त बुझाउन बाध्य भए ।
विजेता टिमलाई शुक्रबार एक कार्यक्रम बीच नगदपुरस्कार, प्रमाणपत्र, मेडल, ट्रफी प्रदान गरिएको थियो । प्रथम हुने टिमलाई नगद रु ३० हजार, दोस्रो २० हजार र सेमिफाइनलिस्ट टोलीले १०÷१० हजारका दरले नगद पुरस्कार प्रदान गरिएको क्याम्पस प्रमुख चुडाबहादुर कटुवालले जानकारी दिए ।
