संखुवासभा । नेपाली कांग्रेसको विचार, नीति र अभियानलाई सशक्त बनाउँदै अघि बढिरहेको नेपाली जनसम्पर्क समिति मलेसियाको विशेष बैठक सम्पन्न गरेको छ ।
आइतबार नेपाली जनसम्पर्क समिति मलेसियाका सभापति चोलाकान्त पंगेनीको अध्यक्षतामा भएको बैठकमा आगामी महाधिबेसनको तयारी र पार्टीको गतिविधीका बारेमा छलफल गरिएको थियो ।
उक्त बैठकले विशेष गरि आगामी अधिवेशनको तयारी, संगठनको आन्तरिक व्यवस्थापन, सदस्यता नविकरण अभियान तथा सामाजिक र राजनीतिक गतिविधिमा नेपालीको सहभागिता सुनिश्चित गर्नुपर्ने विषयमा विस्तृत छलफल गरिएको महामन्त्री हरि कोइराला जानकारी दिए ।
बैठकमा सभापति पंगेनीले जनसम्पर्क समिति केवल परदेशमा संगठन मात्र होइन यो नेपाली कांग्रेसको वैचारिक दूत भएको बताए । उनले कर्मभूमिमा समेत नेपाली कांग्रेसको मूल्य मान्यता, लोकतान्त्रिक सोच र जनअपेक्षाको प्रतिनिधित्व गरिरहेका बताए । कांग्रेसको प्रवास संगठनहरु अझ सशक्त र सुसंगठित हुनुपर्नेमा सभापति पंगेनीको भनाइ थियो ।
बैठकमा उपसभापति, महासचिव, कोषाध्यक्ष, क्षेत्रिय संयोजक, सल्लाहकार तथा क्रियाशील सदस्यहरूको उल्लेखनीय सहभागिता रहेका थिए भने बैठकमा अन्य विभिन्न राजननितीक दलमा आवद्ध कार्यकर्ताहरु दल परित्याग गरि नेपाली कांग्रेस प्रबेश गरेका थिए । बैठकले आगामी दिनमा सञ्चालन गरिने विचार–विमर्श कार्यक्रम, कार्यकर्ता अभिमुखीकरण, नेपालीसँग प्रत्यक्ष संवाद र संचार प्रवाहलाई थप व्यवस्थित बनाउने विषयमा कार्ययोजना तयार बनाएको नेपाली जनसम्पर्क समिति मलेसियाका प्रवक्ता सरोज दाहालले जानकारी दिए ।
